Një ngjarje e rëndë ka ndodhur në familjen e ish-deputetit, Vangjel Tavo, pasi vajza e tij ka ndërruar jetë.
Lajmin e ka bërë të ditur vetë ish-deputeti në një postim në Facebook, ku ka njoftuar ndarjen nga jeta të vajzës së tij Eva. Duke mos dhënë detaje mbi rrethanat e ndarjes nga jeta të së bijës në moshën 24 vjeçare. Mësohet se vajza e ish-deputetit, ka humbur jetën për shkak të një aksidenti automobilistik në Maqedoninë e Veriut.
Lidhur me këtë ngjarje që ka tronditur opinionin publik, ka reaguar artisti i njohur i muzikës shqiptare, Alban Skëndëraj.
Artisti ka publikuar një fotografi të Evës, bashkangjitur së cilës ka shkruar se ajo ka qenë një fanse e muzikës së tij që kur ishte fëmijë dhe se ka qenë e pranishme në çdo koncert të këngëtarit.
“Eva Tavo, vetëm 24-vjeçe sapo u nda nga jeta në një aksident fatal. Një vajzë kaq shumë e kulturuar, e dashur, pozitive dhe sytë i rrezatonin vetëm mirësi! Një fanse e zjarrtë e muzikës time dhe që fëmije e deri sot nuk la asnjëherë asnjë event, koncert apo rast të rëndësishëm për mua pa qenë prezente me dashurinë dhe mbeshtetjen e saj. E bëj këtë postim sepse ndjej dhimbje sikur kam humbur dikë që është pjesë e familjes! Lamtumirë Eva”
![](https://gsh.top-media.al/media10/3LjtLjcc-Capture-401x720.png)