Ashtu siç është bërë tashmë traditë, edhe këtë vit nuk mungon kënga tradicionale nga Top Media, si një dedikim për të gjithë shqiptarët në këtë fundvit. Kënga e përzgjedhur e cila do të vijë në këtë vigjilje nga Top Channel është “Mora fjalë” kënduar nga Shkurt Fejza , e cila gjithashtu është përfshirë edhe në klip.

“Ndihem shumë e nderuar për zgjedhjen e Top Media për këtë këngë, jo vetëm se e këndojë unë që natyrisht më vjen shumë mirë, por është një vlerë tjetër që i jepet gjithë sakrificës së popullit tonë në Shqipëri dhe Kosovë për lirinë e Kosovës dhe heroit legjendar Adem Jashari që dha veten dhe gjithë familjen për të shijuar populli i tij lirinë që sot e gëzon. Dëshirojë që viti 2024 të na sjellë shëndet, begati në familjet tona dhe lart e më lart kombi ynë, çfarë ka në këtë Univers qoftë për ne shqiptarët kudo që jemi”, shprehet Shkurte Fejza.

Një këngë patriotike e cila motivion çdo shqiptarë e ngjallë emocione të forta, më së shumti në këtë vit ku Kombëtarja shqiptare u kualifikua në Kampionatin Europian të futbollit.

Urimet më të mira për 2024 nga familja e madhe e Top Media. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.