Eglantina Toska, një ndër këngëtaret më të dashura të publikut shqiptar, momentalisht po shijon suksesin e këngës së saj “Me mua mos Luaj”, i publikuar rreth dy muaj më parë. Pavarësisht se e pati të pamundur ta performonte “live” nëpër evente të ndryshme për shkak të pandemisë, kjo këngë është një ndër këngët që dëgjohet pafund nga publiku shqiptar.

Artisja, e cila për herë të parë pas 20 vitesh po bën pushime kaq shumë të gjata, përvec talentit të saj në muzikë, dallohet edhe për sensin e saj të mirë të humorit.

Duke qënë se pandemia ka ndaluar rrjedhshmërinë e jetës normale, një ndër fushat që është prekur më shumë ka qënë muzika dhe për këtë arsye, Eglantina po mendon të ndërrojë profesion, sigurisht kjo në kuadrin e shakasë.

E pyetur nga Melody TV se cili do të ishte profesioni që ajo do të kishte zgjedhur nëse nuk të ishte këngëtare, Eglantina ka thënë se preferonte shumë dizanjin ose make-up artist, gjë që shpjegon më së miri dhe faktin se pse këngëtarja simpatike kujdeset në detajin më të vogël për pamjen e saj fizike.