Kjo verë ka qënë pa diskutim e suksesshme për Mozzik dhe këtë e vërteton blerja e çmendur që artisti ka bërë.

Përmes një postmi të bërë në Instagramin e tij, reperi ka treguar se tashmë në garazhin e tij është parkuar një makinë tepër e shtrenjtë dhe bëhet fjalë për makinën Rolls-Royce Ghost Black Badge e vitit 2023-të.

“Ka qënë një ëndërr dikur por sot parkohet në garazhin tim”, shkruan Mozzik në fotografinë e publikuar, ku shihet pranë makinës luksoze.

Reperi ka shtuar gjithashtu në shkrimin e tij 600K, duke nënkuptuar kështu shumën marramendëse që ai ka paguar për këtë makinë.

Mozzik ka folur shumë për vështirësitë që ka hasur gjatë fillimit të karrierës së tij muzikore. Në një intervistë të dhënë kohë më parë, ai ka zbuluar se kishte vetëm dy euro në xhep kur shkoi në studio për të rregjistruar këngën e tij të parë. Por duket se puna dhe talenti e kanë shndërruar Mozzik në një prej artistëve më të paguar në vend.