Një këngë me një mesazh të fortë u konsiderua bashkëpunimi mes Brajan dhe Kastro Zizos, “Jemi bashk”. E publikuar në shtatorin e këtij viti, kjo këngë ka arritur të prekë zemrat e publikut shqiptar, për shkak të mesazhit të rëndësishëm që ajo përcjell.

E kontaktuar nga Melody TV, Brajan ka zbuluar më shumë detaje për këtë bashkëpunim.

I pyetur se si ka lindur ky bashkëpunim, Brajan ka treguar se gjithcka ka lindur gjatë periudhës së karantinës.

Në momentin që Brajan ka dëgjuar tekstin të interpretuar nga Kastro Zizo, ka lindur si ide që kjo këngë të jetë një bashkëpunim.

Si një mbështetës i talenteve të reja, Kastro ka rënë dakord që kjo këngë të jetë një bashkëpunim mes tij dhe Brajan.

Por cili është mesazhi kësaj kënge?

Brajan ka shpjeguar se gjithcka mund të gjendet në vargjet e këngës por ai ka theksuar se përball cdo vështirësie me të cilën përballemi, ne jemi bashkë, i madh dhe i vogël.

A po punon Brajan për projekte të reja?

Brajan është një talent i ri që është mjaft aktiv në tregun muzikor shqiptar dhe kështu kënga e radhës pritet të publikohet gjatë festave të Nëntorit.

Ndërkohë që jemi në pritje të projektit të ri, momentalisht shijoni “Jemi bashk”, i cili transmetohet vazhdimisht në Melody TV.