Alban Skënderaj është një ndër artistët mjaft të dashur të publikut shqiptar, këngët e të cilit shndërrohen menjëherë në hite. Pavarësisht se është e vështirë të bëjmë një përzgjedhje se cila këngë është më e bukur, ne jemi munduar të sjellim tek ju disa prej këngëve, të cilat i kanë rezistuar kohës.

“Dicka” është një bashkëpunim të cilin Alban Skënderaj e ka sjellë më grupin Kthjellu. Kjo këngë është madje kënga fituese e edicionit të tretë të “Top Fest”.

“Vetem Ty” është pikërisht kënga që e bëri të njohur Alban Skënderaj në muzikë dhe më këtë këngë ai rrëmbeu cmimin e parë në “Top Fest 2”.

“Une dhe Ti” është kënga që riktheu Alban SKënderaj në muzikë pas një pauze muzikore, e publikuar rreth 4 vite më parë.

“Duamë” është padiskutim një ndër këngët më të vecanta të Albanit pasi ajo është xhiruar pikërisht në kohën kur dyshja kurorëzoi dashurinë dhe djali i tyre mban pikërisht këtë emër.

“Parajsa ime” është një ndër publikimet më të reja të Albanit, i cili ka ardhur në bashkëpunim me Elgit Dodën, duke u shndërruar në një ndër këngët më të dëgjuara të verës.

Transmetimin e plotë të këtyre këngëve mund ta ndiqni sot në orën 20:00 në Melody TV.