Në “3 from 1” sot do të kemi në fokus tre këngë të vjetra të sjella të ripërpunuara.

Capital T, ka publikuar këngën “Hatixhe”, ku dëgjohen gjithashtu ritmet dhe një pjesë e textit të këngës “Moj Hatixhe n’shami t’kuqe”. Një këngë e njohur e kënduar nga Hamide Sadiku, e publikuar rreth vite e 70-të.

Fifi ka risjellë një version të këngës “Zogo”, origjinalja e së cilës është kënduar nga Nazmie Hoxha dhe më pas është risjellë nga Françesk Radi. Kjo këngë ka patur shumë sukses dhe ka ngelur në memorien e publikut. Sot, e risjellë me shumë hijeshi nga Fifi, e shoqëruar me videoklip, të cilin ka zgjedhur ta xhirojë në sheshin Skenderbej, e veshur me kostum popullor. Duhet ta pranojmë se Fifi ngjan vërtet shumë bukur nën tingujt e kësaj kënge.

Greta Koçi, ka risjellë një kolazh shumë të veçantë në version acoustic ku ka sjellë bashkë 3 nga këngët më të bukua shqip: “Rrjedh në këngë e ligjerime” e kënduar nga artistja e madhe e muzikës shqiptare Vaçe Zela, “Vajta kalova gjithë Kalabrinë”, një nga këngët më të vjetra dhe të risjella nga shumë artist të skenës shqiptare, “Baresha” një tjetër perlë e kënduar nga Nexhmije Pagarusha.

Këngët e plota mund ti ndiqni në Melody Tv sot në orën 20:00.